di Salvatore Garau

 Comente s’abba s’isparghet subra su paberi pro abbare un'acuarellu, de gai, in d-una festa, in sa prata de una bidda, sas notas e sas boghes de sa cultura nostra si isparghen pro catzare su sídiu a su púbricu chi tenet gana de bufare.
A sassiare una festa cun sos cantos est che a abare un'arbure assicorada. A sulare una cantone antiga in su micrófonu est che a istiddiare aba subra unu frore.
Ambos inzestos cheren batire vida, ma su batire vida no abastat, ca tocat de l'azuare custa vida, tocat de li dare sustentu a cust'istoria nostra. Motorinos pro abare sas arbures, duncas, comente cantos pro zibare una cultura.
Est carignosu e umíle custu isfortzu de custos motorinos-marchinzénios pro si render útiles; a s'assacheu ch'intran in s'acuarellu e chircan de fagher bene su trabagliu issoro.
De gai, carignosu e umíle est in su palcu su passu de su cantante imbatinde a su microfonu e cantande sa cantone sua cun passione.
Cando Salbadore Corona m'at pedidu su permissiu de lobare custos acuarellos mios de su '94 a sas fotografias de sos artistas de DROMOS, no li apo preguntadu proite; fuit unu bellu affidu e cheriat fatu.
No b'aiat bisonzu de ateros faeddos.


Come sulla carta l’acqua si spande per dissetare un acquarello, così, in una festa di piazza, le note e le voci della nostra cultura si spandono per dissetare il pubblico che ha voglia di abbeverarsi.
Soddisfare una festa con i canti è soddisfare un albero assetato. Alitare sul microfono un’antica canzone è come spruzzare acqua sopra un fiore. Entrambe le azioni vogliono portare vita, ma portare vita non basta, bisogna aiutarla questa vita, sostenerla questa nostra storia.
Motorini per dissetare gli alberi, dunque, come canti per soddisfare una cultura.
È tenero e umile lo sforzo di questi motorini-marchingegni per rendersi utili; di soppiatto entrano nell’acquarello e cercano di far bene il proprio lavoro. Così, tenero e umile, sul palco, è il passo del cantante per raggiungere il microfono e cantare con passione la propria canzone.
Quando Salvatore Corona mi ha chiesto il permesso di abbinare questi miei acquarelli del ‘94 alle foto degli artisti di DROMOS, non gli ho domandato il perché di questa sua decisione; era un bel matrimonio e andava fatto.
Non c’era bisogno di altre parole.

 

 

Salvatore Garau

Motorinos pro abare sas arbures, 1993
Témpera, grafite e résina subra pabilu
cm 21 x 30

Motorini per dissetare gli alberi, 1993
Tempera, grafite e resina su carta
cm 21 x 30